دابینکردن و پەسەندکردنی تایبەتمەندی پێوانەیی عێراقی و نێودەوڵەتییەکان بۆ کاڵا و بهرههمهکان بۆ بڕیاردان لهسهر كوالێتیی ههر بهرههمێک و كاڵایهک بە تایبهتمهندیی عێراقی بۆ بهرههمهكه بهردهست دهكرێت، كه پێكهاتووه لهو تایبهتمهندی و خهسڵهتانهی، كه پێویسته لهو بهرههمه ههبێت بۆ ئهوهی كوالیتی باش بێت. ئهم خزمهتگوزارییه به ههماههنگی لهگهڵ دهزگای ناوهندی پێوانهسازی و كۆنتڕۆڵی جۆری حكومهتی عێراقی فیدراڵ و لايهنه پسپۆڕییهكانی ناوهخۆ بهردهستدهكرێـت، بۆ لایهنه پهیوهندیدارهكان، بازرگان و كۆمپانیا ناوخۆیی و بیانییهكانی ههرێمی كوردستان، له ههمان كاتدا لێكۆلینهوهی و دیراسهی بڕگهكانی تایبهتمهندییهكان دهكرێـت له كاتی ههبوونی داواكاریی لایهنهكان لهسهر ههر تایبهتمهندییهک یان بڕگهیهكی تایبهتمهندییهكه.
پێدان و نوێکردنەوەی مۆڵەتى بریکارنامەی بازرگانى بریتییە لە پێدان و نوێکردنەوەی مۆڵەتی كاركردنی بريكارنامە بازرگانيیەكانە بەو كەس و كۆمپانيا عێراقيیانەی دەيانەوێت ببن بە بريكاری كۆمپانيا یان کەسێکی بيانی، بۆ هێنان، دابەشكردن و فرۆشتنی بەرهەم و براندەكانی ئەو كۆمپانيا و کەسانەی بيانی لە هەرێمی كوردستان و عێراق.
مامەڵەی گواستنەوەی ڕاژە و تەنسیب هاوکاری هەموو ئەم بەڕێزانەی، کە لە دامودەزگاکانی خوێندنی باڵای هەرێمی کوردستان دەیانەوێت بە تەنسیب یان گواستنەوە خزمەتەکانیان بگوازنەوە بۆ دامودەزگاکانی سەر بە خوێندنی باڵای حکومەتی فیدراڵ و بە پێچەوانەوە. تێبینی: ئێمە تەنیا نووسراوەکانیان بۆ دەکەین بە زمانی عەرەبی و بۆ ئەوەی ڕەوانەی لایەنی پەیوەندیدار بکرێت. بەڵام تەواوی ڕەزامەندی و ڕێکارە کارگێڕیەکانی تر لە فەرمانگەی کارگێڕی و دارایی ئەنجامدەدرێت.
ڕاستی و دروستی بڕوانامە بریتییە لە پرۆسەی دڵنیابوون لە ڕاستی و دروستی ئەو بڕوانامانەی، کە لە زانکۆکانی ناوەڕاست و خوارووی عێراق دەرچوون.
پەسندکردنى بڕیارى دابەشکردن و هەڵوەشاندنەوەیان و گۆڕینیان لە سوودمەندى مردوو بۆ میراتگرەکان پەسەندکردنى بڕیارەکانى دابەشکردن بۆ جووتیاران، یان هەڵوەشاندنەوەى ئەو بڕیارەی کە خاوەنەکانیان مەرجى یاساییان لە دەست داوە، یان مردوون، و گواستنەوەیان بۆ سەر ناوى میراتگرەکانیان، دواى ئەوەى لە بەڕێوەبەرایەتی گشتی کشتوکاڵى پارێزگاکان بڕیارى لەسەر دەدرێت و لە وەزارەت پەسەند دەکرێت.
پەسەندکردنی گرێبەستەکان (گرێبەستی نێوان خاوەن موڵک و کرێچی) گرێبەستێکە لە نێوان خاوەن موڵک و کرێچی یان خاوەن موڵک و لایەنێکی حکومی ئەنجامدەدرێت و پەسەند دەکرێت، بە ێی ئەو خەمڵاندنەی، کە لیژنەی تایبەتمەند بڕیاری لەسەر دەدات بۆ دیاریکردنی باجی سەر موڵکەکە.
تۆمارکردنی وەسیەت (تسجیل الوصیة) تۆمارکردنی وەسیەتی کەسێكە، کە خاوەن موڵکە و تێیدا مافی خاوەندارێتییەکەی دەگوازرێتەوە بۆ کەسانی تر لە دوای مردنی، بۆ بەناوکردنی موڵکەکە، یاخود پێدانی بڕی بەهای ئەو موڵکەی، کە وەسیەتی لەسەر کراوە یان سوودەکەی، بۆ کەسی وەسیەت بۆکراو، بە پێی بڕیاری دادگا یان بەڵگەنامەی وەسیەت (حجة الوصیة).
پەسەندکردنی نەخشە و وێنەکەی بریتییە لە پێدانی وێنەیەک لە نەخشەی موڵک، کە پەسەندکراو بێت، لەسەر داوای خاوەن موڵک یاخود لایەنێکی فەڕمی.
تۆمارکردنی بارمتەی دەستداری (الرهن الحیازی) تۆمارکردنی گرێبەستێکە لە نێوان خاوەن قەرز و قەرزدار، بە دانانی موڵکی قەرزدار لە ژێر بارمتە، بەو مەرجەی موڵکەکە بخاتە ژێر دەستی خاوەن قەرز یان دەستێکی باوەڕپێکراو (ید عدل)، بە مەرجێک ناوی ئەو کەسە لە تۆماری هەمیشەییەکە و مامەڵەکە تۆمارکرابێت. ئەم گرێبەستە بە ڕەزامەندی و دانپێدانانی (اقرار) هەردوو لایەن ئەنجامدەدرێت.
هۆشداری لابردنی بريکارنامە بۆ ئاگادارکردنهوهى بريکاردەر یان بریکارە به پوچەڵکردنەوەی ئەو بریکارنامە تايبهتییە یان گشتییەی، کە پێشتر، لە نێوانیاندا ئەنجامدراوە.
