بەڵگەنامە

هەر کەسێک ئارەزووى کردنەوەى ئەژمێرى تایبەت بە خۆی هەبێت لە بانکە بازرگانییە حکومییەکان دەتوانێت ببێت بە خاوەن ئەژمێری بانکی (چەکى بانک)، بە مەبەستی دانان و ڕاکێشانی پارە لە بانکە حکومییەکان.

لە کاتی ونبوونی تابلۆی ئۆتۆمبێل یان ماتۆڕسکیل بە هەموو جۆرەکانییەوە بە هەر هۆکارێک بێت، پێویستە خاوەنی ساڵیانە سەردانی بەڕێوەبەرایەتی هاتووچۆی تایبەتمەند بکات، بە مەبەستی دروستکردنەوەی تابلۆی تازە.

دەستەبەرى دارایی (کفالە) لەسەر موڵکی نەگوازراوە (عقار) دادەنرێت بۆ بەرژەوەندی وەزارەتى خوێندنی باڵا و توێژینەوەى زانستی، هەر کاتێک خوێندکار و قوتابی نەیتوانی لە خوێندن سەرکەوتوو بێت یان نەگەڕێتەوە بۆ ناوەوەى وڵات، ڕێکارى یاسایی لەسەر ئەو دەستەبەریە ئەنجامدەدرێت بۆ پاراستن و وەرگرتنەوەى مافی حکومەت.

پشتڕاست کردنەوەى ئەو بەڵگەنامە و بڕوانامانەى، کە لە وڵاتانى دەرەوە دەردەچن لە هەرێمی کوردستان بەکاردەهێنرێن، بۆ نموونە (بەڵگەنامەی کۆمپانیا، بڕوانامەی قوتابخانە، بڕوانامەى زانکۆ، ڕاپۆرتی پزیشکی).

دووبارە دەرهێنانەوەی ساڵیانەی ونبووە، بۆ هەموو خاوەن ساڵیانەیەکی تایبەت بە (بەڕێوبەرایەتی هاتووچۆی پارێزگاگانی هەرێم) لە کاتی ونکردنی لە لایەن خاوەنەکەیەوە.

بە مەبەستی درێژەدان بە خوێندن لە دەرەوەی وڵات یاخود هەر مەبەستێکی تر، پێویستە دەرچووان بە شێوەیەکی فەرمی لە وەزارەتی پەروەردە، بە بەرگی وەرگێڕانی بڕوانامەی تایبەت، بڕوانامەكانیان وەربگێڕنە سەر زمانی ئینگلیزی.

هاوکاری هەموو ئەم بەڕێزانەی، کە لە دامودەزگاکانی خوێندنی باڵای هەرێمی کوردستان دەیانەوێت بە تەنسیب یان گواستنەوە خزمەتەکانیان بگوازنەوە بۆ دامودەزگاکانی سەر بە خوێندنی باڵای حکومەتی فیدراڵ و بە پێچەوانەوە.
تێبینی: ئێمە تەنیا نووسراوەکانیان بۆ دەکەین بە زمانی عەرەبی و بۆ ئەوەی ڕەوانەی لایەنی پەیوەندیدار بکرێت. بەڵام تەواوی ڕەزامەندی و ڕێکارە کارگێڕیەکانی تر لە فەرمانگەی کارگێڕی و دارایی ئەنجامدەدرێت.

تۆمارکردن و پێدانی ژمارە و ساڵیانەی تایبەتە بە ماتۆرسکیلەکان، بە مەبەستی ڕێکخستنیان لە شەقامەکان. بۆ ماوەی پێنج (٥) ساڵ.

سەرجەم ئەو بەڵگەنامانەی، کە لە دەرەوەی هەرێمەوە دەردەچن و بە مەبەستی بەکارهێنانیان دەهێنرێنە هەرێمی کوردستان، پێویستە لە لایەن وەزارەتی دادەوە ڕاستێنرێن و پەسەندبکرێت بۆ ئەوەی سیفەتی یاسایی وەربگرن.

بریکارنامەى تایبەت بریتییە لە دەستنیشانکردنى کەسێکى تر وەک بریکار بۆ جێبەجێکردنى کارێکى تایبەت و پێدانى دەسەڵاتی یاسایی و شەرعییەکانى بریکاردار بە بریکار، بە مەرجێک تەنیا بۆ ئەو مامەڵە تایبەتە بەکاربێت، کە لە بریکانامەکەدا دەستنیشانکراوە.