بەڕێوەبەرایەتی گشتی بازرگانی

بریتییه‌ له‌ تۆمارکردنی ناوی هاوڵاتیان له‌ پسووله‌ی خۆراک. وه‌ک (له‌دایکبوون، هاوسه‌رگیری، گه‌ڕانه‌وه‌ له‌ ده‌ره‌وه‌ی وڵات)، له‌گه‌ڵ سڕینه‌وه‌ی ناوی مردووان و گواستنه‌وه‌ی پسووله‌ی خۆراک له‌ نێوان شاره‌کان و بریکاره‌کانی خۆراک.

پێدانی مۆڵه‌تە بۆ هاورده‌کردنی گشت که‌لوپه‌لێک له‌ ده‌روازه‌ سنوورییه‌کانی هه‌رێمی کوردستان.

بریتییە لە گواستنەوەی پسوولەی خۆراکی هاوڵاتیان لە نێوان پارێزگاکان یاخود شارەکان. بەپێی خواستی خزمەتخواز بە دەستدەهێنرێت.

دەستنیشانکردن و پێدانی بریکارییە بە کەسێک بۆ مەبەستی وەرگرتن و دابەشکردنی بەشە خۆراکی مانگانە بەسەر هاوڵاتییاندا.

بریتییە لە گۆڕینی ناوی سەرۆک خێزان بۆ کەسێکی تری ئەندامی هەمان خێزان، لە کاتێکدا سەرۆک خێزان کۆچی دوایی (وەفاتی) کردبێت یاخود گەشتی دەرەوەی وڵاتی کردبێت.

گواستنەوەی خاوەنداریەتی بریکاری ئارد یان خۆراک لە کەسێکەوە بۆ کەسێکی تر بە ڕەزامەندی هەردوو لایەن، یان لە کاتی کۆچی دوایی (وەفاتی) کەسی بریکار بۆ هاوسەرەکەی، بۆ یەکێک لە منداڵەکانی یاخود هەر کەسێکی تر بە ڕەزامەندی هەموو میراتگرەکانی.

بریتییە لە گواستنەوەی پسوولەی خۆراکی هاوڵاتی لە لای بریکارێکەوە بۆ لای بریکارێکی تر بە ڕەزامەندی هاوڵاتییەکە.

وەرگرتنی که‌لوپه‌لی خۆراک و ئاردە له‌ ڕێگەی بریکاره‌کانی ئارد و خۆراک لە سەرجەم شار، شارۆچکە و شارەدێکان لە هەرێمی کوردستان.

هەڵوەشاندنەوەی بریکارە بە ڕەزامەندی خۆی یاخود بەهۆی کۆچی دوایییەوە، بە ڕەزامەندی هەموو میراتگرەکانی بریکارییەکەی هەڵدەوەشێنرێتەوە.

بریتییه‌ له‌ وه‌رگرتنی به‌رهه‌می گەنمی جوتیاران، بۆ مه‌به‌ستی پاڵپشتیکردنی جوتیاران. ئه‌و بڕە پاره‌یه‌ی بۆ جوتیاران خه‌رجده‌کرێت له‌ نه‌فه‌قه‌ی حاکمەی‌ عێراق ده‌رده‌چێت، کە تیایدا به‌شی هه‌رێمی کوردستان دیاریکراوه‌. شێوازی وه‌رگرتن به‌پێی پلانی ساڵانه‌ی کۆمپانیای گشتیی بازرگانیی دانه‌وێله‌ی به‌غداد دیاریدەکرێت.