وەزارەتی خوێندنی باڵا و توێژینەوەی زانستی

دەستەبەرى دارایی (کفالە) لەسەر مولکی نەگوازراوە (عقار) دادەنرێت بۆ بەرژەوەندی وەزارەتى خوێندنی باڵا و توێژینەوەى زانستی، هەر کاتێک خوێندکار و قوتابی نەیتوانی لە خوێندن سەرکەوتوو بێت یان نەگەڕێتەوە بۆ ناوەوەى وڵات، ڕێکارى یاسایی لەسەر ئەو دەستەبەریە ئەنجام دەدرێت بۆ پاراستن و وەرگرتنەوەى مافی حکومەت.
پێدانی مۆڵەتی کردنەوەی زانکۆ و لقی زانکۆی نێودەوڵەتی، پەیمانگەی تایبەت، لقی زانکۆی تایبەتی ناوخۆیی و لقی پەیمانگای تایبەتی ناوخۆییە، هەرەوەها کردنەوەی کۆلێژ، سەنتەری زانستی و بەشی زانستی لە زانکۆ و پەیمانگە تایبەتەکان لە هەرێمی کوردستان.
هاوکاری هەموو ئەم بەڕێزانەی کە لە دامودەزگاکانی خوێندنی باڵای هەرێمی کوردستان دەیانەوێت بە تەنسیب یان گواستنەوە خزمەتەکانیان بگوازنەوە بۆ دامودەزگاکانی سەر بە خوێندنی باڵای حکومەتی فیدراڵ و بە پێچەوانەوە.
تێبینی: بەڵام ئێمە تەنها نوسراوەکانیان بۆ دەکەین بە زمانی عەرەبی و بۆ ئەوەی ڕەوانەی لایەنی پەیوەندیدار بکرێت. بەڵام تەواوی ڕەزامەندی و ڕێکارە کارگێڕیەکانی تر لە فەرمانگەی کارگێری و دارایی ئەنجام دەدرێت.
بریتییە لە په‌سه‌ندکردن و ڕاستاندنی بڕوانامەى قوتابی / خوێندکارانی ده‌رچووی زانکۆ و پەیمانگە حکومییه‌کان لە دکتۆرا، ماسته‌ر، به‌کالۆریۆس، دبلۆمی باڵا و دبلۆم، دوای وردبینی و یه‌کانگیربوونی؛ نوسراو، زانیاری، مۆر و واژۆی سه‌ر بڕوانامه‌ له‌گه‌ڵ ئه‌و داتایەی له‌ هۆبه‌ی بڕوانامه‌کان پارێزراوه‌، چ له‌ شێوه‌ی فایلی به‌رجه‌سته‌ یان فایل و داتای کۆمپیوته‌ری، و هه‌ماهه‌نگی له‌گه‌ڵ زانکۆ حکومییه‌کان بۆ ئه‌م مه‌به‌سته‌.
بریتییە لە بەدەستهێنان و پرۆسێسکردنی ئەو کورسییانەی لە لایەن وڵاتان یان زانکۆکانی دەرەوە، لە چوارچێوەی ڕێککەوتننامە پێشکەش بە قوتابی و خوێندکارەکانی هەرێمی کوردستان دەکرێت.