وەزارەتی خوێندنی باڵا و توێژینەوەی زانستی

ئەم خزمەتە بریتییە لە لابردنی نیشانەى گلدانەوە لەسەر مولک یاخود ناسنامەى ژووری بازرگانی یاخود هەلوەشاندنەوەى دەستەبەری کەسی کە بۆ بەرژەوەندی وەزارەتی خوێندنی باڵا و توێژینەوەی زانستی دانراوە یاخود ئەنجام دراوە.

بریتییە لە لادانیی دەستەبەی (دارایی و کەسی) کە کاندید لە ماوەی خویندنەکەیدا وەك هێمای
گلدانەوە دایناوە لە بەرژەوەندی حکومەت، ئەم پرۆسەیە بۆ گشت کاندیدانی سەرکەوتوو دوای پێنج(٥) ساڵ لە خزمەتکردن ئەنجامدەدرێت دەکرێت.

بەڵێننامەیەکە کە کەسێک بەهۆیەوە بەئەنجامدانی کارێک یان ئەنجام نەدانی کارێک یان رەفتارێک پابەند دەکات و بەرپرسی دەکات لە ناوەرۆکەکەى بەمەرجێک لە چوارچیوەى یاسا و داب و نەریتی گشتی دەرنەچێت.

ئەم بەشە تایبەتە بە بەدواداچوون و کارئاسانکردنی کارەکانی کاندیدانی بەرنامەی (HCED)زەمالەی لێژنەی باڵای پەروەردە و فێرکردن حکومەتی عێراق.

خولى ڕاهێنانى پێداگۆجى پێشکەشدەکرێت بەو بەڕێزانەى کە خوازیارى بەدەستهێنانى نازناوى زانستین دواى تەواوکردنى ماستەر یان دکتۆراى ئەکادیمى. ئەم خولە بەشداربووان ئاشنادەکات بە سیستەم و مێتۆدە سەردەمییەکانى وانەوتنەوە لە زانکۆکان وەک ئەوەى لە وڵاتە پێشکەوتووەکان پەیڕەودەکرێت.

بریتییە لە خەرجکردنی شایستە دارایی ئەو دەرچووانەی بەرنامەی تواناسازی کە دوای تەواوکردنی خوێندنەکەیان بە سەرکەوتووی لە پاکتاوی داراییدا حکومەت قەرزاریان بووەتەوە.

پەسەندکردنی نووسراوی پشتگیریی بەردەوامی لە خوێندن یان دابڕان لە خوێندن بۆ خوێندكارانی زانکۆ و پەیمانگا حكومییه‌كان، بۆ ئەو خوێندكارانەی دەیانەوێت بە نووسراوی فەرمی بیسەلمێنن کە لە خوێندن بەردەوامن یان دابڕاون پێش ئەوەی بڕوانامە وەربگرن

بە پێى پێویستى دام و دەزگاکانى هەرێمى کوردستان و تواناى زانکۆكانى هەرێمى کوردستان ساڵانە چەند خولێکى زمانى ئینگلیزى بە شێوەى وەزارى لە سەنتەرى زمانى زانکۆ حکومییەکان دەکرێتەوە، سەرجەم خوازیاران ئەوانەى مەرجەکانى پێشکەشکردنیان تێدایە دەتوانن داواکارى پێشکەش بکەن لە ڕێگەى سیستەمى وەزارەتى خوێندنى باڵا و توێژینەوەى زانستى، بە مەبەستى بە دەستهێنانى بڕوانامەى توانستى زمانى ئینگلیزى کە مەرجە بۆ وەرگرتنى بڕوانامەى ماستەر و دکتۆرا و وەرگرتنى نازناوى زانستى.

بە پێى پێویستى دام و دەزگاکانى وەزارەتى خوێندنى باڵا و توێژینەوەى زانستى لە زانکۆ حکومییەکانى هەرێمى کوردستان و وەزارەتى پەروەردە هەڵگرانى بڕوانامەى (ماستەر و دکتۆرا)ى ئەکادیمى ئەوانەى بە پێى ڕێنماییەکان مەرجەکانى پێشکەشکردنیان بۆ وەرگرتنى نازناوى زانستى تێدا هەیە دەتوانن داواکارى پێشکەش بکەن بۆ زانکۆ حکومییەکانى هەرێمى کوردستان.

وەڵامدانەوەى ئەو نووسراوانەى کە لەلایەن زانکۆکان و وەزارتەکان و دام و دەزگاکانى حکومەتى هەرێمەوە ئاڕاستەى فەرمانگەى توێژینەوە و پەرەپێدان دەکرێت سەبارەت بە بابەتى نازناوى زانستى و بەرزکردنەوەى پلەى زانستى و گۆڤارى زانستى و کۆنفرانسى زانستى و سەنتەرەکانى توێژینەوە و زمانى ئینگلیزى و هەر بابەتێکى ترى تایبەت بە کاروبارى زانستى.