وەزارەتی خوێندنی باڵا و توێژینەوەی زانستی

دابەزینی قوتابییان و خوێندکارانە بەپێی داواکاری خۆیان لە بەشێکی کۆنمرە بەرزەوە بۆ بەشێکی کۆنمرە نزمتر لە کۆلێژ و پەیمانگەکان.

دابینکردنی شوێنی نیشتەجیبوونە بۆ ئەو قوتابی / خوێندکارانەی، کە لە دەرەوەی ناوەندی شار یان قەزایانەن کە لقی زانکۆکانی تێدایە.

وەرگرتنى دەرچووانی پۆلی دوازدە (١٢)ی ئامادەییە لە زانکۆ و پەیمانگە تایبەتەکانی هەرێم.

خولى ڕاهێنانى پێداگۆجى پێشکەشدەکرێت بەو بەڕێزانەى کە خوازیارى بەدەستهێنانى نازناوى زانستین دواى تەواوکردنى ماستەر یان دکتۆراى ئەکادیمى. ئەم خولە بەشداربووان ئاشنادەکات بە سیستەم و مێتۆدە سەردەمییەکانى وانەوتنەوە لە زانکۆکان وەک ئەوەى لە وڵاتە پێشکەوتووەکان پەیڕەودەکرێت.

دەستبەکاربوونەوەى قوتابیانى ماستەر ودکتۆرا کە فەرمانبەرى سەر میلاکى وەزارەتى خوێندنى باڵاو توێژینەوەى زانستین لە دەرەوەى ووڵات خوێندنیان بە سەرکەوتووى خوێندنیان تەواوکردووە.

ئامادەکردنى لیستى زانکۆ باوەڕپیکراوەکانى دەرەوەى وڵات بە مەبەستى خوێندنى ( بەکالۆریۆس، ماستەر، دبلۆمى یەکساڵە و دووساڵە، دکتۆرا)، کە ساڵانە ئەپدەیتدەکرێتەوە و بە پێى ئەم لیستە خوێندکار دەتوانێت زانکۆ بۆ خوێندن هەڵبژێرێت .

بریتییە لە پاکتاوکردنی ئەستۆپاکی (کارگێری، دارایی و یاسایی) شایستە داراییەکانی کاندیدانی بەرنامەی تواناسازی، ئەم پرۆسەیە بۆ گشت کاندیدانی تواناسازی ئەنجام دەدرێت.

ڕاستاندنی (صحة الصدور) بڕوانامەى دەرچووانى زانکۆ و پەیمانگا حكومییه‌كان بۆ خاوەن بڕوانامەی دكتۆرا و ماسته‌ر و دبلۆمی باڵا و به‌كالۆریۆس و دبلۆم، کە لەلایەن دەزگا و فەرمانگەیەکی حکومی یان کەرتی تایبەت داوا بکرێت، بۆ دڵنیابوونەوە لە ڕاست و دروستی بڕوانامەی فەرمانبەرەکانیان.

بە پێى پێویستى دام و دەزگاکانى وەزارەتى خوێندنى باڵا و توێژینەوەى زانستى لە زانکۆ حکومییەکانى هەرێمى کوردستان و وەزارەتى پەروەردە هەڵگرانى بڕوانامەى (ماستەر و دکتۆرا)ى ئەکادیمى ئەوانەى بە پێى ڕێنماییەکان مەرجەکانى پێشکەشکردنیان بۆ وەرگرتنى نازناوى زانستى تێدا هەیە دەتوانن داواکارى پێشکەش بکەن بۆ زانکۆ حکومییەکانى هەرێمى کوردستان.

خۆتەرخانکردنی زانستی بریتییە لە وەرگرتنی مۆڵەتی خۆتەرخانکردنى زانستى بەمەبەستی بەرزکردنەوە و فراوانکردنی توانای زانستی و ئەکادیمی تایبەت بە بواری خوێندنی باڵا و خزمەتی زانکۆیی لە چوارچێوەی پۆست دکتۆرا (Post- Doctorate) و ساباتیکەڵ لیڤ (Sabbatical Leave)، بە بەپێی ئەو مەرج و پێداویستییانەی لە رێنمایی هاتووە.