خولى ڕاهێنانى پێداگۆجى لە زانکۆکانى هەرێمى کوردستان

پێویستە پێشکەشکار هەڵگرى بڕوانامەى ماستەر یان دکتۆراى ئەکادیمى بێت.

ئەگەر پێشکەشکار دەرچووى زانکۆکانى هەرێمى کوردستان بێت، پێویستە فەرمانى زانکۆیى بەخشینى بڕوانامەى ماستەر یان دکتۆرا پێشکەشبکات.

ئەگەر پێشکەشکار دەرچووى زانکۆکانى دەرەوەى وڵات بێت، پێویستە فەرمانى وەزاریى یەکسانکردنى بڕوانامەکەى پێشکەشبکات، ئەگەر لە کاتى پێشکەشکردنى مامەڵەکان پرۆسەى یەکسانکردنى بڕوانامە تەواونەبوو، ئەوا پێویستە پێشکەشکار نوسراوێکى پشتگیرى لەلایەن (وەزارەتى خوێندنى باڵا و توێژینەوەى زانستى/ بەڕێوەبەرایەتى یەکسانکردنى بڕوانامەکان) بهێنێت وەکو بەڵگەیەک کە مامەڵەى یەکسانکردنى بڕوانامەکە لە پرۆسەى یەکسانکردندایە، بە مەرجى ئەوەى کە ئەکادیمى بێت. هەروەها، ئەگەر تا کۆتاییهاتنى خولى ڕاهێنانی پێداگۆجى فەرمانى یەکسانکردنى بڕوانامەکەى پێشکەشنەکرد، ئەوا بڕوانامەى خولى ڕاهێنانى پێداگۆجى پێنابەخشرێت تاوەکو پرۆسەى یەکسانکردنەکە تەواودەبێت.

بڕوانامەى پیشەیى رێگەپێدراوە نیە بۆ بەشداریکردن لە خولى ڕاهێنانى پێداگۆجى.

پێویستە پێشکەشکار بڕوانامەى توانستى زمانى ئینگلیزى پێشکەشبکات بەم شێوەى خوارەوە:
- بڕوانامەى سەنتەرەکانى زمانى ئینگلیزى لە زانکۆ حکومییەکانى هەرێمى کوردستان کە بە سیستەمى پێشووتر دەبێت لە ئاستى (Pre-Intermediate) و لە سیستەمى نوێی (Imperial) لە ئاستى (Intermediate) بێت و پێویست بە ڕاستاندن ناکات.
- بڕوانامەى نێودەوڵەتى توانستى زمانى ئینگلیزى وەک (IELTS, TOEFL IBT, TOEFL PBT, PTE) کە مەرجە یان لە هەرێمى کوردستان کرابێت یان لە وڵاتە ئینگلیزى زمانەکان وەک (بەریتانیا، ئەمریکا، کەنەدا، ئوستوراڵیا) و جگە لەمانە هی هەر شوێنێکى دیکە پەسەندنییە.
- نمرەى پەسەندکراوى بڕوانامە نێودەوڵەتیەکان بەم شێوەیە:
- IELTS/ 5
- PTE/ 52
- TOEFL IBT/ 59
- TOEFL PBT/ 414

نابێت سێ ساڵ زیاتر لەسەر دەرچوونى بڕوانامەى توانستى زمانى ئینگلیزى تێپەربووبێت، جا ناوخۆیى یان نێودەوڵەتى بێت.

ئەگەر بڕوانامەى توانستى زمانى ئینگلیزى نێودەوڵەتى بێت، دەبێت ڕاستاندنى بۆ بکرێت لەلایەن سەنتەرەکانى زمانى ئینگلیزیى زانکۆ حکومییەکان.