پێشکەشکردن بۆ وەرگرتنى نازناوى زانستى لە زانکۆ حکومییەکانى هەرێمى کوردستان

پێویستە پێشکەشکار هەڵگرى بڕوانامەى ماستەر یان دکتۆراى ئەکادیمى بێت.

ئەگەر دەرچووى زانکۆکانى هەرێمى کوردستان بێت، پێویستە پێشکەشکار فەرمانى زانکۆیى بەخشینى بڕوانامەى ماستەر یان دکتۆرا پێشکەش بکات.

ئەگەر دەرچووى زانکۆکانى دەرەوەى وڵات بێت، پێویستە پێشکەشکار بڕیارى یەکسانکردنى بڕوانامەکەى پێشکەشبکات.

پێویستە پێشکەشکار بڕوانامەى پێداگۆجى وەرگرتبێت لە یەکێک لە سەنتەرەکانى ڕاهێنانى پێداگۆجى.

ئەگەر خولى ڕێگاکانى وانە وتنەوەى بە سیستەمى پێشووتر بەپێى ڕێنماییەکان ئەنجام دابێت پێویستە پێشکەشکار بڕوانامەى توانستى زمانى ئینگلیزى پێشکەش بکات بەم شێوەى خوارەوە:
- بڕوانامەى سەنتەرەکانى زمانى ئینگلیزى لە زانکۆ حکومیەکانى هەرێمى کوردستان کە بە سیستەمى پێشووتر دەبێت لە ئاستى (Pre-Intermediate) و لە سیستەمى نوێی (Imperial) لە ئاستى (Intermediate) بێت.
- بڕوانامەى نێودەوڵەتى توانستى زمانى ئینگلیزى وەک (IELTS, TOEFL IBT, TOEFL PBT, PTE) کە مەرجە یان لە هەرێمى کوردستان کرابێت یان لە وڵاتە ئینگلیزى زمانەکان وەک (بەریتانیا، ئەمریکا، کەنەدا، ئوستوراڵیا) و جگە لەمانە هی هەر شوێنێکى دیکە پەسەند نییە.
- نمرەى پەسەندکراوى بڕوانامە نێودەوڵەتیەکان بەم شێوەیە:
IELTS/ 5 –
- PTE/ 52
- TOEFL IBT/ 59
- TOEFL PBT/ 414

نابێت سێ ساڵ زیاتر لەسەر دەرچوونى بڕوانامەى توانستى زمانى ئینگلیزى تێپەربووبێت، جا ناوخۆیى یان نێودەوڵەتى بێت.

ئەگەر بڕوانامەى توانستى زمانى ئینگلیزى نێودەوڵەتى بێت، دەبێت ڕاستاندنى بۆ بکرێت لەلایەن سەنتەرەکانى زمانى ئینگلیزیى زانکۆ حکومییەکان.