هەر ئۆتۆمبێل یان ماتۆڕسکیلێک خاوەنی ساڵیانه‌ی تایبەت بە خۆیەتی، لە ڕۆژی دەرچوونی ساڵیانەکەوە ماوەی بەسەرچوونی (٥) پێنج ساڵه. خاوەنی ساڵیانە پێویستە لە کاتی بەسەرچوونی ساڵیانەکەی لە بەڕێوەبەرایەتی هاتووچۆی تایبەتمەند ساڵیانەکەی تازە بکاتەوە.
بەرێوبەرایەتی هاتووچۆی پارێزگاکانی هەرێم
تۆمارکردنی ئه‌و ئۆتۆمبێلانه‌یه له ده‌ره‌وەی وڵات به شێوه‌یه‌کی یاسایی هاورده‌ی هه‌رێمی کوردستان کراون. وەکو (ژماره کاتی) له به‌ڕێوه‌به‌رایه‌تییه‌کانی هاتووچۆی پارێزگاکان تۆمار ده‌کرێن و ژماره‌ی ئه‌و پارێزگایه‌ی پێ ده‌درێت که لێی تۆمار ده‌کرێت. ئەو ساڵیانەیەی دەدرێت بەهەر ئۆتۆمبێلێک بۆ ماوەی (٥) پێنج ساڵ بەکاردێت، دواتر پێویستە نوێ بکرێتەوە.
هەر هاوڵاتی یان دانیشتوویەکی هەرێمی کوردستان کە تەمەنی یاسایی تەواو کردبێت، مافی دەرهێنانی مۆڵەتی لێخوڕینی ئۆتۆمبێلی هەیە.
ئەم مۆڵەتە بۆ ماوەی (٥) پێنج ساڵە و دوای ئەم ماوەیە بەسەردەچێت و پێویستە نوێ بکرێتەوە.
ئەم مۆڵەتە بۆ ماوەی (٥) پێنج ساڵە و دوای ئەم ماوەیە بەسەردەچێت و پێویستە نوێ بکرێتەوە.
گواستنه‌وه‌ی خاوه‌ندارێتی ئۆتۆمبێل یان ماتۆڕسکیلە له کەسێکەوە بۆ کەسێکی تر، مافێکی یاسایی هەر تاکێکە، کە لە ئەنجامی کڕین و فرۆشتن یاخود هەر هۆکارێکی تر، بخوازێت خاوەندارێتی ئۆتۆمبێل یان ماتۆڕسکیلەکەی بگوازێتەوە.
نوێکردنەوەی مۆڵەتی شۆفێرییە بۆ ئەو هاووڵاتیانەی مۆڵەتەکانیان بەسەرچووە یاخود ماوەی بەسەرچوونیان نزیکە، تاوەکو بتوانن بە شێوەیەکی یاسایی شۆفێری بکەن.
دەرهێنانی مۆڵەتی شۆفێری نێودەوڵەتی بۆ هاووڵاتیان، بە مەبەستی بەکارهێنانی لە دەرەوەی وڵات.
پێدانی مۆڵەتی ڕه‌شکردنی جامی ئۆتۆمبێلە له‌سه‌ر داواکاری خاوه‌نی ئۆتۆمبێل، به ئه‌نجامدانی ڕێکاره یاساییه‌کان لە یەکێک لە بەڕێوەبەرایەتییەکانی هاتووچۆی تایبەتمەند، بۆ ماوەی ساڵێک.
گۆڕینی تابلۆی ئۆتۆمبێل یان ماتۆڕسکیل لە چاپی کۆنەوە بۆ جۆری چاپی نوێی پیتی ئینگلیزی، لە کاتی گەچران یان کۆنبوونی بەهۆی ڕووداوی هاتووچۆ یاخود هەر هۆکارێکی تر.
گواستنه‌وه‌ی تۆماری ئۆتۆمبێلە به هه‌موو جۆره‌کانییەوە له پارێزگایه‌ک بۆ پارێزگایه‌کی تر، لەسەر داواکاری و خواستی خزمەتخواز.
لە کاتی ونبوونی تابلۆی ئۆتۆمبێل یان ماتۆڕسکیل بە هەموو جۆرەکانییەوە بە هەر هۆکارێک بێت، پێویستە خاوەنی ساڵیانە سەردانی بەڕێوەبەرایەتی هاتووچۆی تایبەتمەند بکات، بە مەبەستی دروستکردنەوەی تابلۆی تازە.