خۆتۆمارکردن بۆ هاوردنی خواردنەوەی کهولی و دروستکردنی لە لایەن کارگەکان

ئەم خزمەتە لە ڕێگای بریکارەوە پێشکەشدەکرێت، بە مەرجێک بریکارنامەی یاسایی هەبێت.

نووسینی سەر بەرهەمەکە پێویستە بە زمانی عەرەبی یان ئینگلیزی بێت.

وەرگرتنی (وکالة الحصریة)ی کۆمپانیای سەرەکی یان کارگە و پشتڕاستکردنەوەی لە باڵیۆزخانەی عێراقی ئەو وڵاتە یان نوێنەرایەتی حکومەتی هەرێم لە هەمان وڵات.

ئەگەر کۆمپانیا بوو:

مۆڵەتی تەندروستیی کۆگا.

بڕیاری کارگێڕی کۆمپانیا.

مۆڵەتی دامەزراندنی کۆمپانیا.

خاوەن کۆمپانیا ناسنامەی ژووری بازرگانی هەبێت.

هێنانی بەڵگەنامەی تۆمارکردنی ناوی بازرگانی لە بەڕێوەبەرایەتی گشتی تۆمارکردنی کۆمپانیاکان و هێمای بازرگانی لە بەشی تۆماری هێماکان لە وەزارەتی بازرگانی و پیشەسازی.

دەبێت کۆمپانیا تایبەت بێت بە هاوردنی خواردن و خواردنەوە یان کۆمپانیای گشتی بڕگەی چاڵاکی هاوردنی خواردن و خواردنەوەی هەبێت.

بۆ بازرگانان:

ناسنامەی ژوورەکانی بازرگانی.

مۆڵەتی تەندروستیی کۆگا.

بۆ کارگە:

مۆڵەتی تەندروستیی کارگە.

بازرگان یان کۆمپانیا دەبێت بەر لە هاوردەکردنی بەرهەمەکەی تیمێک لە وەزارەتی تەندروستی بۆ کارگەی بەرهەمهێن بنێرێت، بە مەبەستی دڵنیابوون لە هەموو ئەو زانیارییانەی کە لە ڕێنمایی ژمارە (٧٤٨١) لە ٢٠١٨/٧/١٧ لە بەشی چوارەمدا هاتووە.

بەڵگەنامەی تۆمارکردنی ناوی بازرگانی لە بەڕێوەبەرایەتی گشتی تۆمارکردنی کۆمپانیاکان و هێمای بازرگانی لە بەشی تۆماری هێماکان لە وەزارەتی بازرگانی و پیشەسازی بهێنێت.