تۆمارکردنی کۆمپانیای نیشتیمانی

بریتییە لە تۆمارکردنی کۆمپانیای نیشتیمانی لە هەرێمی کوردستان، بە مەبەستی ڕێکخستنی کاری بازرگانی و وەبەرهێنان و بەرەو پێشبردنی لایەنی ئابووری.

لایەنی بەرپرس

وەزارەتی بازرگانی و پیشەسازی / بەڕێوەبەرایەتی گشتی تۆمارکردنی کۆمپانیاکان

ناونیشانی سەردانی هاوڵاتی

ئەدرەسی وەزارەتی بازرگانی- بەڕێوەبەرایەتی گشتی تۆمارکردنی کۆمپانیاکان

ماڵپەڕ

ماڵپەری فەرمی وەزارەتی بازرگانی و پیشەسازی

کاتی کارکردن

(٨:٠٠)ی بەیانی تاکو (٣:٠٠)ی دوانیوەڕۆ.

ناونیشانەکان

بەڕێوەبەرایەتی گشتی تۆمارکردنی کۆمپانیاکان / هەولێر

هەولێر / (٦٠)م نزیک بەرزەی پردی شۆڕش کۆمەڵگای وەزارەتی بازرگانی و پیشەسازی
ئیمەیڵ :- company@moti.gov.krd

0662273919

بەڕێوەبەرایەتی تۆمارکردنی کۆمپانیاکان / هەولێر

هەولێر / گەڕەکی بەختیاری

بەڕێوەبەرایەتی تۆمارکردنی کۆمپانیاکان / سلێمانی

سلێمانی / شەقامی حمە جەزا

بەڕێوەبەرایەتی تۆمارکردنی کۆمپانیاکان / دهۆک

دهۆک / شەقامی مازی

مەرجەکانی وەرگرتنی ئەم خزمەتە

بریکارنامە، ئەگەر لە لایەن بریکاری یاساییەوە ڕێکارەکان ئەنجام بدرێت.

بريکارنامەى تايبەت

دەست بەسەر داگرتنی ناوی بازرگانی بۆ کۆمپانیا.

سەرمایەی کۆمپانیا لە (١،٠٠٠،٠٠٠) یەک ملیۆن دینار کەمتر نەبێت.

کردنەوەى ئەژمێرى ڕەوەنى (حساب جاری) بۆ کۆمپانیاکان

دەستەبەرى بانکى (خطاب ضمان)

کۆمپانیا پێویستە بارەگای هەبێت و ناونیشانەکەی دیار بێت.

ناسنامە و بەڵگەنامەکان

گرێبەستی دامەزراندنی کۆمپانیا.

ئەگەر خزمەتخواز عێراقی بێت (کارتی نیشتیمانی و کارتی زانیاری دامەزرێنەرانی کۆمپانیا و بەڕێوەبەری ڕێپێدراو).

ئەگەر خزمەتخواز بیانی بێت (کارتی نشینگە و پاسپۆرت).

نووسراوی دانانی سەرمایەی کۆمپانیا لە یەکێک لە بانکە ڕێ پێدراوەکان لە تۆماری بەڕێوەبەرایەتی گشتی تۆمارکردنی کۆمپانیاکان.

داواکاری و کۆنووسی کۆبوونەوەی دانانی بەڕێوەبەری ڕێپێدراو.

ماوەی پێویست بۆ وەدەستهێنانی ئەم خزمەتە

(٢) دوو ڕۆژ بۆ دەست بەسەر داگرتنى ناوى بازرگانى و تۆمارکردنى کۆمپانیا، (١) یەک ڕۆژ سەردانى فەرمانگە بۆ ڕسومات و وەرگرتنەوەی بڕوانامەى کۆمپانیا.

نرخی وەدەستهێنانی ئەم خزمەتە

بە پێی بڕیاری ژمارە (١١٩) لە ٢٠/١١/٢٠١٧:
بۆ تۆمارکردنی کۆمپانیا:
- بۆ هەر ملیۆنێک دینار لە سەرمایەی کۆمپانیا بڕی (٤،٥٠٠) چوار هەزار و پێنج سەد دینار وەردەگیرێت وەک ڕسوماتی سەرمایە.
- (٢٥،٠٠٠) بیست و پینج هەزار دینار کرێى پشکنین.
- (٥٠،٠٠٠) پەنجا هەزار دینار کرێی تۆمارکردنی کۆمپانيا.
- (٢٥،٠٠٠) بیست و پێنج هەزار دینار کرێی بڵاوکردنەوە.
- (٥٠،٠٠٠) پەنجا هەزار دینار کرێی وردبینیکردنی بەڵگەنامەکان.

بۆ دانانی بەڕێوەبەری ڕێ پێدراوی کۆمپانیا:
- (٥٠،٠٠٠) پەنجا هەزار دینار کرێی وردبینیکردنی بەڵگەنامەکان.
- (٢٥،٠٠٠) بیست و پێنج هەزار دینار کرێی دانانى بەڕێوەبەرى ڕێپێدراو.
- (٢٥،٠٠٠) بیست و پێنج هەزار دینار کرێى بڵاوکردنەوە.

ڕێکار و هەنگاوەکان

داواکردنی هەژمار لە وێبسایتی فەرمی بەڕێوەبەرایەتی گشتی تۆمارکردنی کۆمپانیاکان بە شێوەی سەرهێڵ (ئۆنڵاین) لە ڕێگای ماڵپەڕی crkrg.org.

وێبسایتی تۆمارکردنی هەژماری کۆمپانیاکان

داواکردنی ناوی بازرگانی لە ڕێگای هەمان ماڵپەڕ

وێبسایتی تۆمارکردنی هەژماری کۆمپانیاکان

سەردانیکردنی بانک، بە مەبەستی دانانی سەرمایە و وەرگرتنی نووسراوی پشتگیری.

پێشکەشکردنی داواکاری بۆ تۆماری کۆمپانیای خۆماڵی لە ڕێگای هەمان ماڵپەڕ crkrg.org.

سەردانیکردنی پەڕاوگە لە بەڕێوەبەرایەتی گشتی کۆمپانیاکان، بە مەبەستی کڕینی فۆرمی بەڵێننامە و فۆرمی زانیاری کۆمپانیا.

سەردانیکردنی ژووری هاتوو و دەرچوو، بە مەبەستی وەرگرتنی ژمارەی هاتووی نووسراو.

سەردانیکردنی بەشی یاسایی، بە مەبەستی وردبینی بریکارنامە.

سەردانیکردنی بەشی کۆمپانیا نیشتمانییەکان، بە مەبەستی بە دەستهێنانی فۆرمی وردبینی گرێبەستی دامەزراندن.

سەردانیکردنی کۆمپانیا نیشتیمانییەکان، بە مەبەستی هامشکردنی فۆرمی وردبینی گرێبەستی دامەزراندن.

سەردانیکردنی بەشی ژمێریاری، بە مەبەستی پێدانی کرێی تۆمارکردنی کۆمپانیا و کرێی ناوی بازرگانی.

سەردانیکردنی بەشی خەزنە، بە مەبەستی پەسەندکردنی کرێی دراو لە سیستەم.

سەرادنیکردنی بەشی وردبینی، بە مەبەستی وردبینیکردنی پسولەى ژمێریاری.

سەردانیکردنی بەشی کۆمپانیا نیشتمانییەکان، بە مەبەستی هامشکردنی فۆرمی وردبینی گرێبەستی دامەزراندن.

چاوەڕێکردن تاکو ئیمەیڵی پێ دەگات.

سەردانیکردنی بەشی کۆمپانیا نیشتمانییەکان، بە مەبەستی وەرگرتنەوەی بڕوانامەی کۆمپانیا و بڕیاری دانانی بەڕێوەبەری ڕێپێدراو.

سەردانیکردنی بەڕێوەبەری گشتی، بە مەبەستی مۆرکردنی بڕوانامەی کۆمپانیا و فۆرمی وردبينی.

سەردانیکردنی ژووری هاتوو و دەرچوو، بە مەبەستی وەرگرتنی ژمارەی دەرچووی نووسراوی بانک.

پاش وەرگرتنەوەی بڕوانامەی کۆمپانیا و دانانی بەڕێوەبەری ڕێپێدراو، خزمەتخواز دەبێت لە ماوەی (٢) دوو مانگ نووسراوی دامەزراندنی پارێزەر و ژمێریار، لەگەڵ نووسراوی تۆمارکردنی کۆمپانیا لای باج و دەستەبەرکردنی پێشکەش بە بەڕێوەبەرایەتی کۆمپانیاکانی هەولێر، سلێمانی یاخود دهۆک بکات.