مۆڵەت و ڕێگاپێدان

پێدانی مۆڵەتی وەرشەیە بۆ دروستکردن و چاککردنەوەی زێڕ بە پیشەوەرانی وەرشەی سەربەخۆ و وەرشەی پێشکەوتوو.

بریتییە لە گواستنەوەى هاوڵاتیان و هەموو جۆرە کەلوپەلێک و پێداویستى ژیانى ڕۆژانەى خەڵک لە شوێنێکەوە بۆ شوێنێکى تر، بە هۆى ئامرازەکانى گواستنەوە وەک ئۆتۆمبێل و شەمەندەفەر و بەلەم بە شێوەیەکى هاوچەرخ و شارستانى وە هەروەها ڕێکخستن و سەرپەرشتى کردن و پێدان و نوێکردنەوەى کارتى کارکردن بۆ ئامرازەکانى گواستنەوە.

دروستکردنی ناسنامەی کارمەند و ڕێگەپێدانی هەڵگرتنی چەکی کۆمپانیایە بۆ کارمەندەکانی کۆمپانیاکانی ئەمنی.

ئەنجامدانی کەشفی ساڵانە لە ڕووی پەیڕەوکردنی ڕێنمایی تایبەت بە ڕێکارەکانی پێدان و نوێکردنەوەی مۆڵەت بە کارگەی غاز و وێستگەی سوتەمەنی.

ڕێگەدان بە فرۆشتن و دابەشکردنی بوتڵی غاز بە پێى مەرج و ڕێنماییەکانی دابەشکردن، واتا بوون بە بریکاری دابەشکردنی غاز.

پێدانی مۆڵەتی پیشەی کڕین و فرۆشتنی خشڵە بە تاک و کۆ.

بریتییه ‌له ‌خزمه‌تگوزاری ڕێپێدانى بیناکردن، که‌ خزمه‌تگوزارییه‌کی گرنگ و به‌رده‌وامه‌ پەیوه‌سته ‌به‌ ڕێپێدانى نۆژەنکردنەوەى خانوو.

پێدانی مۆڵه‌تی به‌ مووچه‌ به‌ فه‌رمانبه‌ران، یان پێدانی بڕێک پاره‌ی مانگانه‌ به‌و كه‌سانه‌ی، كه‌ فه‌رمانبه‌ر نین و سه‌رپه‌رشتی كه‌سێكی كه‌مئه‌ندام ده‌كات.
ئەوەی یه‌ک (١) كه‌مئه‌ندام به‌خێو ده‌كات (١٤٠) سەد و چل هه‌زار دیناری پێده‌درێت، ئه‌وه‌ی دوو (٢) كه‌مئه‌ندام به‌خێو ده‌كات (٢١٠) دوو سەد و دە هه‌زار دیناری پێده‌درێت.

هەر ڕێكخراو و سەندیكایەک، كاتێک پڕۆژەیەكی پەروەردەیی هەیە و پێویست بەوە بكات بچێتە ناو سنوری قوتابخانە، مەرجە ڕەزامەندی وەزارەتی پەروەردە وەربگرێت. وەزارەت داوای پرۆپۆزەل و ناوەرۆكی چالاكییەکەی لێ دەكات، ئەگەر هاتوو ئەو چالاكییە بە پێویست زانرا، ئەوا نووسراوی ڕێگاپێدانی بۆ دەكرێت، تاوەكو لەناو قوتابخانەكان چالاكییەکە ئەنجام بدەن، بە مەرجێک کار نەکاتە سەر دەوامی فەرمی قوتابخانەکە.

پێدان و نوێکردنەوەى مۆڵەتى کارکردن بە کۆمپانیاکانى بوارى مینپاکى، کە لە بەڕێوەبەرایەتیى گشتیى تۆمارکردنى کۆمپانیاکانى هەرێمى کوردستان تۆمارکراون و هەروەها ئەو ڕێکخراوە مرۆییانەش (ناوخۆیی و بیانى) کە لە بوارى مینپاکى کاردەکەن لە فەرمانگەى ڕێکخراوە ناحکومییەکانى هەرێمى کوردستان تۆمارکراون، بەپێی بوونى توانا و لێهاتووى مرۆیی بوونى کەلوپەلى پێویست و تایبەت بە بوارى مینپاکى بەپێی ستانداردە نێودەوڵەتییەکان و ڕێسا و ڕێنماییەکانى دەزگاى گشتیى کاروبارى مین.