مۆڵەتی کۆمپانیاکانی کەرتی تایبەت بۆ هەڵسەنگاندنی کاری ناوخۆیی کۆمپانیاکەیان بە سیستەمی VHF, UHF لەبەر پێویستی هەندێک لە کۆمپانیاکانی کەرتی تایبەت، بۆ نمونە کۆمپانیاکانی سیکیوریتی بۆ پەیوەندی ناوخۆیی نێوان فەرمانبەرەکانیان لە کاتی کارکردنیان و بەکارهێنانی ئامێرەکانی بێتەل، کە پێویستی بە دابینکردنی لەرەلەری (VHF, UHF) هەیە، بۆیان تەرخان دەکرێت لە لایەن وەزارەتی گواستنەوە و گەیاندن.
مۆڵەتی سەرپەرشتی کردنی کۆمپانیاکانی کەرتی تایبەت بۆ پێشکەشکردنی خزمەتگوزاری ئینتەرنێت بۆ هاوڵاتیان و کۆمپانیا جیاجیاکان بە سیستمی LTE 4G (Long Term Evolution) خزمەتگوزاری ئەنتەرنێت بە سیستەمی (LTE 4G) کە لەبەر دەستە لە هەرێمی کوردستان، لە ساڵی ٢٠١٣ تاکو ئێستا لە لایەن (٤) چوار کۆمپانیای مۆڵەت پێدراوی وەزارەتی گواستنەوە و گەیاندن پێشکەش بە هاوڵاتیانی هەرێمی کوردستان دەکرێت.
پێدان و نوێکردنەوەى مۆڵەت بۆ کۆمپانیا و نوسینگەکانى کاروبارى گواستنەوەی هاوڵاتیان و کەلوپەل و بەرهەمە نەوتییەکان بریتییە لە گواستنەوەى هاوڵاتیان و هەموو جۆرە کەلوپەلێک و پێداویستى ژیانى ڕۆژانەى خەڵک لە شوێنێکەوە بۆ شوێنێکى تر، بە هۆى ئامرازەکانى گواستنەوە وەک ئۆتۆمبێل و شەمەندەفەر و بەلەم بە شێوەیەکى هاوچەرخ و شارستانى وە هەروەها ڕێکخستن و سەرپەرشتى کردن و پێدان و نوێکردنەوەى کارتى کارکردن بۆ ئامرازەکانى گواستنەوە.
کەشفی سەرەتایی بۆ دروستکردنی وێستگەکانی سوتەمەنی پێدانی ڕێنمایی تایبەت بە خاوەن وێستگە لە سەرەتای دروستکردنیدا بۆ کەشفی زەوی تەرخانکراو لە لایەن لیژنەکانەوە.
تۆمارکردنی نووسینگەی تاکە کەسی بریتییە لە تۆمارکردنی نووسینگە، هۆتێل یان ڕێستورانت لە ژێر ناوی تاکە کەس لە هەرێمی کوردستان.
پێدان و نوێكردنەوەی مۆڵەت بە كارگەى غاز و وێستگەى سوتەمەنی ئەنجامدانی کەشفی ساڵانە لە ڕووی پەیڕەوکردنی ڕێنمایی تایبەت بە ڕێکارەکانی پێدان و نوێکردنەوەی مۆڵەت بە کارگەی غاز و وێستگەی سوتەمەنی.
مۆڵەتی بریکاری غاز ڕێگەدان بە فرۆشتن و دابەشکردنی بوتڵی غاز بەپێى مەرج و ڕێنماییەکانی دابەشکردن، واتا بوون بە بریکاری دابەشکردنی غاز.
تۆمارکردنی کۆمپانیای نیشتمانی بریتییە لە تۆمارکردنی کۆمپانیای نیشتمانی لە هەرێمی کوردستان، بە مەبەستی ڕێکخستنی کاری بازرگانی و وەبەرهێنان و بەرەوپێشبردنی لایەنی ئابووری، بەشێوەی ئۆنلاین لە ڕێگای پۆرتاڵی تۆمارکردنی دامەزراوە بازرگانییەکان.
گەڕاندنەوەى تەرم بۆ کوردستان بریتییە لە گەڕاندنەوەى تەرمى هاوڵاتیانی هەرێمى کوردستان کە لە دەرەوە کۆچی دوایی دەکەن.
پێدان و نوێکردنەوەی مۆڵەتی وەبەرهێنانی کانزایی (نافلیزییەکان) دەرهێنان و نوێکردنەوەی مۆڵەتی کانگاکان (تێکەڵە، چەو و لم، بەردی مەرمەر، بەردی مۆزاييک، خۆڵ، خۆڵى كەرپوچ، سەرەبەرد، بەردى بيناسازى، لمی باخچە و گەچ). واتا پاش ئەوەی لیژنەیەک لەناو بەڕێوەبەرایەتی وەبەرهێنانی کانزایی / بەڕێوەبەرایەتی کانەبەردەکان هەڵدەبژێردرێت، بە مەبەستى سەردان بۆ شوێنی کانگاکە پاش هەموو پێزانین و ڕێنماییەکانی وەبەرهێنانی کانزایی بڕیاری مۆڵەتپێدان دەدرێت، یاخود پاش ئەوەی کانگاکە بەرهەمهێن دەبێت بڕیاری نوێکردنەوە دەدرێت، بۆ جێبەجێكردنى ياساى وەبەرهێنانى كانزايی و ڕێگرى بە كاركردن بەشێوەى سەرپێچى لە لايەن هاوڵاتيان.
