پشکنینی قیڕی شل

لایەنى داواكاری پشكنين بەڵێن دەدات كە هەموو تێچووى پشكنينەكان لە ئەستۆ بگرێت بە پێی ڕێنماييەكانی تاقيگە.

تاقیگەکانی بيناسازى بەڵێن دەدەن بە ئەنجامدانى پشكنينە پێويستەكان، بۆ ئەو نموونانەى كە لە لایەن داواكارەوە هاتووە.

تاقيگەکانی بيناسازى تا ئەو كاتە نموونەكان دەهێڵێتەوە كە بە پێويستى دەزانێت، لە كاتێكدا ئەگەر داواكاری پشكنين داوای گێڕانەوەى نمونەكانی بكات (بۆ ئەو کەرەستانەى کە زیان لێکەوتوو (تەلەف) نابن و وەکو خۆیان دەمێنن)، ئەوا دەبێت سەردانى تاقيگە بكات لە ماوەى (١٠) دە ڕۆژ لە دەرچوونى ئەنجامى پشكنينەكان، بە پێچەوانەوە ئەو مافەى نامێنێت.

تاقيگەکان پابەندن بە گرتنەبەرى ڕێوشوێنێ پێويست بۆ پاراستنى نموونەكان بە درێژايی ئەو كاتەى لە لای دەمێننەوە.

لە كاتى تێكچوون يان شكانى نمونەكان پێش ئەنجامدانى پشكنينەكان، ئەوا لايەنى داواكاری پشكنين پابەندە بە دابينكردنی "نمونەى لەجياتى" هاوشێوەى نموونە بنەڕەتیيەكان. ئەگەر نەکرا دابین بکرێت، ئەوا دەبێت "پشكنينی لە جياتى" ئەنجام بدرێت (ئەگەر كرا)، بە پێی تێچووى نوێ و ڕێكەوتنى هەردوولا.