پێدانى مۆڵەتى خۆتەرخانکردنی زانستی بۆ دەرەوەى ووڵات

پێوستە خزمەتخواز خاوەن ڕەگەزنامەی عێراقی بێت.

پێوستە خزمەتخواز بەڵیننامە پێشکەش بکات کە دوای تەواو بوونی خوێندن بگەرێتەوە وڵات.

پۆست دکتۆرا (Post- Doctorate):

داواکار پێویستە هەڵگرى بڕوانامەى دکتۆرا بێت.

تەنها هەڵگرى نازناوى زانستى (مامۆستا) بێت ونابێت پێنچ ساڵ تێپەر بووبێت لەسەر بڕوانامەکەى.

داواکار پێویستە پرۆپۆزەڵى هەبێت، و لە لایەن لێژنەى زانستى بەش لە زانکۆى خۆى پەسەند بکرێت.

پێویستە پێشکەشکار قبوڵی بێ مەرج لە زانکۆیەکی باوەڕپێکراو لەلایەن وەزارەت بەدەستبێنێت، ماوەى کۆرسى زمان لە خۆناگرێت و هیچ ماوەیەکى بۆ فێربوونى زمان پێ نادرێت.

لانى کەم توێژینەوەیەکی بڵاوکراوەى لە گۆڤارێکى زانستى باوەڕپێکراو هەبێت.

دوو ساڵ خزمەتى کردەکی دواى بەدەستهێنان و دەستبەکاربوونەوە و یەکسانکردنى دکتۆراکەى هەبێت.

لاری نەبوونى بەشى لە زانکۆى خۆى هەبێت کە مۆڵەتەکەى کارناکاتە سەر کارى بەشەکەى.

مۆڵەتی پۆست دکتۆرا تەنها بۆ (١)یەک ساڵ دەبێت.

خۆتەرخانکردنى زانستى پۆست دکتۆرا تەنها بۆ یەکجار دەدرێت.

پێویستە لە ماوەى خۆتەرخانکردنى زانستى، توێژەر ئامادەکارى بۆ بڵاوکردنەوەى توێژینەوەیەکى زانستى ئەنجام بدات لە گۆڤارێکى زانستى باوەڕپێکراو لە ماوەى ساڵێک تێپەرنەکات، بۆ بەشە زانستیەکان لە گۆڤارێکی Clarivate Analytics Indexed Journals (Q1 , Q2) و بۆ زانستە مرۆڤایەتیەکان لە گۆڤارێکی Scopus Indexed Journals (Q1 , Q2 , Q3). پێویستە ئەفیلەیشنی زانکۆی دایکی لەسەر بێت.

پێویستە داواکار هەر (٣) سێ مانگ جارێک نامەى (Progression Letter) پێشکەش دەکات.

پێویستە داواکار دوو سیمینار پێشکەش بکات لەگەڵ ڕێکخستنى خولی ڕاهینان بۆ هاوەڵانى لە زانکۆکانى هەرێمى کوردستان بەپێی ئەو کارامەیانەی بەدەستى هێناوە.

ئەو توێژینەوەى کە لە کاتى پۆست دکتۆرا ئەنجام دەدرێت دەتوانرێ بۆ بەرزکردنەوەى پلەى زانستى سوودى لێ وەربگیرێت.

ساباتیکەڵ لیڤ (Sabbatical Leave):

هەڵگرى نازناوى زانستى لە (مامۆستا) کەمتر نەبێت.

هەڵگرانى نازناوى زانستی پرۆفیسۆرى یاریدەدەر یاخود پرۆفیسۆر، مافی وەرگرتنی مۆڵەتی خۆتەرخانکردنی زانستی ساباتیکەڵ لیڤ (Sabbatical Leave)یان هەیە بۆ ئەنجامدانی توێژینەوە.

پێویستە قبوڵ لە زانکۆ یان دەزگایەکى زانستى باوەڕپێکراو بەدەستبێنێ، وە لە نووسراوى قبوڵەکە پیویستە مەبەستەکە دیاری کرابێت، ئەگەر مەبەستەکە توێژینەوەى زانستى بوو، پێویستە لە کۆتایی توێژنەوەیەک بڵاوبکاتەوە, و ئەگەر ڕاهێنان بوو پێویستە ئامانجى ڕاهێنانەکە دیاری کرابێت. ئەگەر هۆکارى وەرگرتن ,وەرگێرانى پەرتووکى زانستى بوو یان سەرچاوەى زانستى بوو , دەبێت لە کۆتایی ماوەى تەرخان کراو ئامانجەکە بەدەست هاتبێ. و لە کۆتاییدا سیمینارێک پێشکەش بکات.

پێویستە ناوەڕۆکى نامەى وەرگرتن(قبول) لەلایەن لێژنەى زانستى بەش لە زانکۆى خۆى پەسەند کرابێت.

پیویستە لە پرۆسەی دڵنیایی جۆری سەرکەوتوو بووبێت وبڕوانامەى (٢) دوو ساڵ هەبێت.

لاری نەبوونى بەشى خۆى هەبێت لەو زانکۆیەى کە خزمەت دەکات کە مۆڵەتەکەى کارنەکاتە سەر کارى بەشەکەى.

دوو ساڵ خزمەتى کردەکی دواى بەدەستهێنان و دەستبەکاربوونەوە و یەکسانکردنى بروانامەکەی هەبێت.

ساباتیکەڵ لیڤ پێنچ ساڵ جارێک دەدرێت.

ساباتیکەڵ لیڤ، درێژکردنەوە لە خۆناگرێت.

گشت مەرجەکانى Sabbatical Leave لەسەر مۆڵەتى Fellowship جێ بە جێ دەکرێت لە چوارچێوەى پەرەپێدانى زانستى.