پشکنینی کربستۆن

لايەنى داواكاری پشكنين بەڵێن دەدات كە هەموو تێچووى پشكنينەكان لە ئەستۆ بگرێت بە پێی ڕێنماييەكانی تاقيگە.

تاقیگەکانی بيناسازى بەڵێن دەدەن بە ئەنجامدانى پشكنينە پێويستەكان بۆ ئەو نمونانەى كە لە لايەن داواكارەوە هاتووە.

تاقيگەکانی بيناسازى تا ئەو كاتە نمونەكان دەهێڵێتەوە كە بە پێويستى دەزانێت، لە كاتێكدا ئەگەر داواكاری پشكنين داوای گێڕانەوەى نمونەكانی بكات (بۆ ئەو کەرەستانەى کە زیان لێکەوتوو (تەلەف) نابن و وەکو خۆیان دەمێنن)، ئەوا دەبێت سەردانى تاقيگە بكات لەماوەى (١٠) دە ڕۆژ لە دەرچوونى ئەنجامى پشكنينەكان، بە پێچەوانەوە ئەو مافەى نامێنێت.

تاقيگەکان پابەندن بە گرتنەبەرى ڕێوشوێنی پێويست بۆ پاراستنى نمونەكان بە درێژايی ئەو كاتەى لە لایان دەمێنێتەوە.

لە كاتى تێكچوون يان شكانى نمونەكان پێش ئەنجامدانى پشكنينەكان، ئەوا لايەنى داواكاری پشكنين پابەندە بە دابينكردنی "نمونەى لەجياتى" هاوشێوەى نمونە بنەڕەتیيەكان. ئەگەر نەکرا ئەوە دابین بکرێت، ئەوا دەبێت "پشكنينی لەجياتى" ئەنجام بدرێت (ئەگەر كرا)، بە پێی تێچووى نوێ و ڕێكەوتنى هەردوولا.