فەرمانگەکانی پارێزگا و ئیدارە سەربەخۆکان

هۆشیاری ژینگەیی هاونیشتمانییان و بە کلتوورکردنی پرسی ژینگەپارێزی و کردنی بە پرسێکی گشتگیر و ڕوونکردنەوەی پابەندییەکانی هەرێم لە ڕوانگەی ڕێکەوتننامە نێودەوڵەتەکانی تایبەت بە ژینگە، ئەمەش لەرێگەی كەناڵەكانی ڕاگەیاندن بیستراو و بینراو و نووسراو و خول و كۆنفرانس و کارو چالاکیی جۆراوجۆر بەپێی پێشهات و ڕەوشی ژینگەی هەرێم بەگشتی و یاخود ناوچەیەکی دیاریکراو.

بریتیيە لە پێشکەشکردنى ئاسانکارى بۆ هەناردەکردنى ئەو ئاژەڵ و ڕووەک و باڵندانەی ڕێگەیان پێدەدرێت بەپێى ڕێکەوتننامەى سایتس، لە هەمان کاتدا ئەو ئاژەڵ و ڕووەک و باڵندانەی، کە هاوردە دەکرێن بۆ بەخێوکردن و پەروەردەكردنیان لە ماڵان، پێویستە ئەو ئاژەڵ و باڵندانە بڕوانامەی سايتسيان هەبێت.

پێدانی ڕەزامەندی ژینگه‌یی بۆ سه‌رچاوه‌ی تیشكده‌ر له‌ هاوردەکردن، هەناردەکردن، گواستنەوه‌، بەکارهێنان و کۆگاکردن کە بەکاردێت لە بواری پیشەسازی یان نەوت و كانزاكان یان تەندروستی، یاخود بواری پیشه‌سازی و رێگا وبان و چیمه‌نتۆ، شیش، كانزكان، كارگه‌كان.

بریتییە لە پێشکەش کردنی ئاسانکاری بۆ هاوردەکردنی گازەکانی HFC و ئەو ئامێرانەی کە دۆستی ژینگەن بۆ ناوە عێراق بە پێی رێکەوتننامەی ڤیەنناو پرۆتۆکۆلی مۆنتریال و ( هەمواری کیگالی) کە ئەم گازانە پێویستە ڕەزامەندنی دەستەی پــــــاراستن و چاككردنی ژینگە وەربگێریت لەبەر ئەوەی حكومەتی هەرێمی كوردستان پابەندە بە رێککەوتننامەی ڤیەنناو پرۆتۆکۆلی مۆنتریال و ( هەمواری کیگالی).

پشكنینی ئەو پارچە ئاسنانەی كە سیكراب بوون بەكاردەهێنرێت بۆ دروستكردنی ئاسن و شیش، پارچە پیس بووەكان بە تیشك جیادەكرێتەوە لە پارچە خاوێنەكان، بە مەبەستی پشكنینی پارچەی تیشكدەر وەكو كەل و پەلی پاشماوەكانی جەنگ، بۆ پاراستنی هاوڵاتییان لە كەرستەی تیشكدەر كە كاریگەری ڕاستەوخۆ دەكاتە سەر تەندروستی.

پێدانی مۆڵەتی کارکردن بۆ بەشی پزیشکی ئەتۆمی کە ماددەی تیشکی تێدا بەکاردێت (التکنیشیوم یان FDG) بۆ دەست نیشانکردنی چارەسەری شێرپەنجە.

پێدانی ڕەزامەندی کارکردن بە بەشی تیشک ئەوانەی کە کاردەکەن لەگەڵ ئامێری تیشک بە هەموو جۆرەکانییەوە (ئیکس رەی، سیتی سکان، ماموغرافی، قەستەرە، opg) وە چاودێریکردنی ئەو کارمەندانەی کە لە بەشی تیشک کاردەکەن بۆ پابەندبوونیان بە بەکارهێنانی کەل و پەلی خۆپارێزی لە تیشک.