خزمەتگوزاریی نەشتەرگەری چاندنی مۆخی ئێسک بۆ توشبووانی تالاسیمیا (لە ناوەوەی هەرێم)

خزمەتخواز سەردانی پزیشکی پسپۆڕ لە نەخۆشخانە گشتییەکان یان سەنتەرەکانی تایبەت بە تالاسیمیا یان نۆرینگەی تایبەتی پزیشکی پسپۆڕ دەکات، بە مەبەستی پێدانی ڕاپۆرتی پزیشکی.

سەردانی بەڕێوەبەرایەتیی گشتیی تەندروستی لە پارێزگاکان دەکات بە پێی سنووری جوگرافی.

سەردانی بەڕێوەبەری گشتی دەکات، بە مەبەستی وەرگرتنی ڕەزامەندی.

سەردانی هۆبەی لیژنە پزیشکییەکان دەکات، بە مەبەستی ئاڕاستەکردنی نووسراو بۆ وەزارەتی تەندروستی.

سەردانی بەڕێوەبەرایەتیی گشتیی کاروباری تەندروستی لە دیوانی وەزارەت دەکات.

سەردانی بەڕێوەبەری گشتی دەکات، بە مەبەستی وەرگرتنی ڕەزامەندی.

سەردانی بەشی لیژنەی پزیشکی دەکات، بە مەبەستی پێشکەشکردنی بەڵگەنامەکان و دیاریکردنی کاتی پشکنین لە لایەن لیژنەی پزیشکی تایبەت.

خزمەتخواز لە ماوەی مانگێک لە ڕێگەی پەیوەندی تەلەفۆنییەوە لە کات و شوێنی بینینی و بڕیاردانی لیژنە لەسەر ئەنجامدانی پشکنینەکەی ئاگاداردەکرێتەوە.

پاش ئەنجامدانی ڕێکارە ناوخۆییەکان وەرگرتنی ڕەزامەندی، خزمەتخواز لە ڕێگەی پەیوەندی تەلەفۆنییەوە لە کات و شوێنی ئەنجامدانی نەشتەرگەرییەکە ئاگاداردەکرێتەوە.