ئەنجامدانی نەشتەرگەری بۆ تووشبووانی شێرپەنجە (لە ناوەوەی هەرێم)

خزمەتخواز سەردانی یەکێک لە نەخۆشخانە یان سەنتەرەکانی شێرپەنجە یان نۆرینگەی تایبەتی پزیشکی پسپۆڕ لە پارێزگاکان بە پێی سنووری جوگرافی دەکات، بە مەبەستی وەرگرتنی ڕاپۆرتی پزیشکی لە پێویستی ئەنجامدانی نەشتەرگەری.

بە پێی سنووری جوگرافی لە پارێزگاکان سەردانی بەڕێوەبەری نەخۆشخانە یان سەنتەرە شێرپەنجەییەکان دەکات، بە مەبەستی وەرگرتنی ڕەزامەندی ئەنجامدانی نەشتەرگەری لە نەخۆشخانەی تایبەت.

سەردانی لیژنەی پزیشکی دەکات، بە مەبەستی پێشکەشکردنی بەڵگەنامەکان و پشکنین.

سەردانی بەشی کارگێڕی دەکات، بە مەبەستی پێدانی نووسراو بۆ سندووقی کۆمەکی شێرپەنجە لە دیوانی وەزارەت.

سەردانی سندووقی کۆمەکی شێرپەنجە دەکات لە دیوانی وەزارەت.

سەردانی بەشی هاتوو و دەرچووی سندووقی کۆمەکی شێرپەنجە دەکات، بە مەبەستی تۆمارکردنی ژمارەی نووسراو.

سەردانی بەڕێوەبەری جێبەجێکار دەکات، بە مەبەستی وەرگرتنی ڕەزامەندی سەرۆکی سندووق.

سەردانی بەشی کارگێڕی سندووق دەکات، بە مەبەستی ناردنی نووسراوەکە بۆ ئەو نەخۆشخانە تایبەتییەی کە نەشتەرگەرییەکەی لێ ئەنجامدەدرێت.

خزمەتخواز سەردانی نەخۆشخانە تایبەتەکە دەکات، بە مەبەستی دیاریکردنی وادەی نەشتەرگەرییەکە.